૮ મી જુન

શામળદાસ ગાંધી

                   પત્રકાર શ્રી શામળદાસ ગાંધી. તેમનો જન્મ રાજકોટમાં ઇ. સ. ૧૮૯૭માં થયેલ હતો. વ્યવહારિક જગતમાં સંઘર્ષ કરતાં કરતાં તેઓ ‘ મુંબઇ સમાચાર ‘ ની કચેરી સુધી પહોંચી ગયા. જેને પરિણામે એ પત્રકાર બની ગયા. અનુભવની એરણે ઘડાઇને ‘ મુંબઇ સમાચાર ‘ સાપ્તાહિકના તંત્રી અને ત્યારબાદ ‘ જન્મભૂમિ ‘ દૈનિકના પણ તંત્રી થયા. તેમણે પોતાનું દૈનિક ‘વંદેમાતરમ ‘ શરૂ કર્યું. આઝાદી પછી જૂનાગઢને પાકિસ્તાન સાથે જોડવા તૈયાર થતાં, તેમને ‘ આરઝી હકૂમત ‘ની સ્થાપના કરી. શામળદાસ ગાંધીનું તા. ૦૮-૦૩-૧૯૫૩ના રોજ અચાનક હ્યદયરોગનો હુમલો આવી જતા દેહાવસાન થયું.  

હજરત મહમંદ પયગંબર

                    ઇસ્લામ ધર્મના સ્થાપક અને મહાન પયગંબર હજરત મહમંદ સાહેબનો જન્મ તા. ૨૩-૦૪-૫૭૦ના રોજ અરબસ્તાનના મક્કા શહેરમાં થયો હતો. તેઓ નાનપણથી જ એકાંતપ્રિય, સત્યવાદી અને ચિંતનશીલ હતા. મક્કામાં લોકો અનેક દેવદેવીઓમાં માનતા હતા. પયગંબર સાહેબનો ઉપદેશ તેમને ન ગમ્યા, તેથી તેમને મારી નાખવાનું કાવતરું ઘડાયું. તેની ગંધ આવી જતાં પોતાના એક સાથીદાર સાથે તેઓ મદીના હિજરત કરી ગયા. એ વર્ષ ૬૨૨ નું હતું. આ પ્રસંગ પછી હિજરી સન શરૂ થઇ. મદીનાના લોકો તેમના અનુયાયી બન્યા અને મક્કા પર ચડાઇ કરી મક્કાના લોકોને હરાવ્યા.મહમંદ સાહેબે તેમને માફી બક્ષી. તેમનો ઉપદેશ કુરાન-એ-શરીફ નામના પવિત્ર ગ્રંથમાં સમાવ્યો છે. તે મુસલમાનોનો ધર્મગ્રંથ ગણાય છે.