૮ મી સપ્ટેમ્બર

હેમુ ગઢવી

              કથાનકમાં રહેલા વીર કે કરુણરસને બહેલાવે એવો કંઠ ધરાવતા હિંમતદાન ગઢવીનો જન્મ સુરેન્દ્રનગર પાસેના ઢાંકણિયા ગામે તા. ૦૮-૦૯-૧૯૨૯ના રોજ થયો હતો. કુટુંબની સામાન્ય આર્થિક સ્થિતિને કારણે તેઓ ઝાઝું ભણી શકેલા નહીં . કોઇક સુખદ અકસ્માતે હેમુભાઇ આકાશવાણીના રાજકોટ કેન્દ્રમાં જોડાયા. લોકો પર એ કંઠે અજબનું સંમોહન છાપી દીધું. સંખ્યાબંધ જાહેર કાર્યક્રમો આપ્યા. ‘રાંકનું રતન’, ‘શેણી વિજાણંદ’, ‘પાતળી પરમાર’ જેવા લોકસંગીત રૂપકો આજે પણ એટલા જ લોકપ્રિય રહ્યા છે. સૌરાષ્ટ્ર સંગીત નાટક અકાદમીએ ‘શેતલને કાંઠે’ અને ‘ધન્ય સૌરાષ્ટ્ર ધરણી ‘ જેવા નાટકો રજૂ કર્યા હતા.